کے یو جے ( دستور ) نے دستور گروپ کو نئی تنظیم قرار دے دیا

کے یو جے ( دستور ) اور پی ایف یو جے ( دستور ) پر مسلط ٹولہ دستور گروپ کو علیحدہ تنظیم / دھڑا بنانے پر مجبور کر رہا ہے اور مشورے دے رہا ہے

کے یو جے ( دستور ) کی انتقامی کارروائیاں دستور گروپ کے حامیوں کی ممبر شپ ختم کر دی گئی

پی ایف یو ( دستور ) خاموش تماشائی

کراچی ( پ ر ) کراچی یونین آف جرنلسٹس ( دستور ) نے دستور گروپ کو ایک نئی تنظیم قرار دے کر اس کے خلاف انتقامی اور غیر آئینی کارروائیاں تیز کر دیں

دستور گروپ کے حامیوں ووٹرز سپورٹرز پی ایف یو جے دستور کے یو جے دستور اور کراچی پریس کلب کے انتخابات میں حصہ لینے والے امیدواروں اور انکے تجویز و تائید کنندگان کی بنیادی ممبر شپ ختم کر کے انہیں ایک نئی تنظیم / دھڑا بنانے کا مشورہ دیا جا رہا ہے جبکہ پاکستان فیڈرل یونین آف جرنلسٹس ( دستور ) ان انتقامی اور غیر آئینی اقدامات کو علم رکھنے کے باوجود خاموش تماشائی بنی ہوئی ہے

کراچی یونین آف جرنلسٹس دستور گروپ کی سینٹرل ایگزیکٹو کونسل نے تنظیم کو تقسیم کرنے کے ان مذموم اور گھناؤنے عزائم و اقدامات کی شدید مذمت کرتے ہوئے اپنے بیان میں کہا ہے کہ دستور گروپ سے خوفزدہ کے یو جے ( دستور ) پر مخصوص سوچ و فکر رکھنے والا مسلط ٹولہ تنظیم کو تقسیم کرنے اور اس کے دو دھڑے بنانے کی کوششیں کر رہا ہے اس سلسلے میں

کے یو جے دستور کے صدر راشد عزیز کی جانب سے 23 مئی کو سوشل میڈیا پر جاری ہونے والی ایک پریس ریلیز میں دستور گروپ کے ممبر کو ” سابق ممبر ” لکھا گیا

کے یو جے ( دستور ) کے سیکرٹری موسیٰ کلیم نے 1 جون کو سوشل میڈیا کے ایک گروپ میں دستور گروپ کو ایک نئی تنظیم قرار دیتے ہوئے اس کے حوالے سے لکھا کہ ” دستور گروپ نامی ایک نئی تنظیم ہے اس کے اراکین شوق سے ملک کے ہر شہر میں اپنے نئے یونٹ کھول لیں اور اپنی پی ایف یو جے بھی بنا لیں "

پی ایف یو جے دستور کے حیدرآباد سے نو منتخب ممبر ایف ای سی تجمل حسین نے 1جون 22 کو سوشل میڈیا کے ایک گروپ میں کراچی میں ہونے والے حالیہ بی ڈی ممبرز اجلاس کے حوالے سے لکھا کہ ” بی ڈی ممبرز کے اجلاس کے دوران کے یو جے ( دستور ) کی جانب سے بتایا گیا کہ دستور گروپ کے لوگ کے یو جے ( دستور ) کے ممبر نہیں ہیں

دستور گروپ کی سینٹرل ایگزیکٹو کونسل نے کے یو جے ( دستور ) کی جانب سے ان کے خلاف چلنے والی مہم کا سنجیدگی سے جائزہ لیا ہے اور پی ایف یو جے ( دستور ) کی جانب سے خاموش تماشائی بنے رہنے پر افسوس کا اظہار کیا ہے

کے یو جے ( دستور ) گذشتہ 2 سال سے مسلسل دستور گروپ کے ساتھ غیر آئینی اور انتقامی رویہ رکھ کر انہیں دوسری تنظیم / دھڑا بنانے پر مجبور کر رہی ہے تاہم دستور گروپ نے صبر کے ساتھ جمہوری روایات کو قائم رکھتے اور تنظیم کے اندر رہتے ہوئے آئین کی بالادستی و حکمرانی کے لئیے جد وجہد کی ہے

دستور گروپ نے کے یو جے ( دستور ) اور پی ایف یو جے ( دستور ) میں مخصوص سوچ و فکر رکھنے والے مسلط ٹولے کو بے نقاب کیا ہے لیکن اب دستور گروپ سے خوفزدہ مسلط ٹولہ دستور گروپ کو کھلے عام نئی تنظیم / دھڑا بنانے کا مشورہ دے رہا ہے

جاری کردہ
سینٹرل ایگزیکٹو کونسل
کراچی یونین آف جرنلسٹس
دستور گروپ
14 جولائی 2022