دستور گروپ کا خواجہ فرخ سعید کے انتقال پر اظہارِ تعزیت

کراچی ( پ ر ) کراچی یونین آف جرنلسٹس دستور گروپ نے پی ایف یو جے دستور کے سابق صدر لاہور پریس کلب کے سینئر ممبر اور صحافی راہنما خواجہ فرخ سعید کے انتقال پر گہرے افسوس اور رنج و غم کا اظہار کیا ہے

کراچی یونین آف جرنلسٹس دستور کے چیئرمین ناصر محمود سینئر ڈپٹی چیئرمین زبیر ابراہیم ڈپٹی چیئرمین طارق اسلم اور محمد عارف خان اراکین سینٹرل ایگزیکٹو کونسل نے اپنے تعزیتی پیغام میں کہا ہے کہ خواجہ فرخ سعید صحافی برادری کا قیمتی اثاثہ اور ایک پیشہ ور کہنہ مشق صحافی تھے جہاں انہوں نے صحافت کے میدان میں گرانقدر قابل تقلید خدمات انجام دیں وہیں انہوں نے صحافی برادری کی قابل تحسین و قابل تقلید راہنمائی بھی کی ان کی خدمات کو ہمیشہ یاد رکھا جائے گا

مرحوم خواجہ فرخ سعید جگر کے کینسر میں مبتلاء تھے جو کہ اب آخری اسٹیج پر پہنچ چکا تھا مرحوم مقامی اسپتال میں زیر علاج تھے تاہم صحتیاب نہ ہو سکے اور خالق حقیقی سے جا ملے

مرحوم خواجہ فرخ سعید کینسر جیسے موذی مرض میں ہونے کے باوجود فروری 2022 تک صحافیوں کے حقوق کی عملاً جدو جہد کرتے رہے 7 فروری 2022 کو انہوں نے نوائے وقت کے صحافیوں کے واجبات کے حصول اور چیئرمین آئی ٹی این ای کی تقرری کے لئیے لاہور میں ایک احتجاج کی قیادت کی اور یوں وہ اپنی زندگی کے آخری لمحات تک صحافی حقوق کی جدوجہد کرتے ہوئے ہم سے جدا ہو گئے

دستور گروپ نے خواجہ فرخ سعید کے انتقال پر گہرے دکھ اور افسوس کا اظہار کرتے ہوئے مرحوم کے اہلِ خانہ و پسماندگان سے دلی تعزیت کا اظہار کیا اور دعا کی ہے کہ اللّٰہ تعالی مرحوم کے درجات بلند فرمائے انکی مغفرت فرمائے جنت الفردوس میں اعلیٰ مقام عطاء فرمائے اور لواحقین کو صبر جمیل عطا فرمائے۔ آمین

جاری کردہ
محمد عارف خان
ڈپٹی چیئرمین محمد عارف خان
کراچی یونین آف جرنلسٹس دستور گروپ
سابق صدر و سیکرٹری
کراچی یونین آف جرنلسٹس دستور