دستور پینل کے حوصلہ افزا نتائج
پر اطمینان کا اظہار

کراچی ( پریس ریلیز ) کراچی یونین آف جرنلسٹس دستور کے سالانہ الیکشن 2021 . 22 میں غیر جماعتی دستور پینل نے نتائج کو حوصلہ افزا قرار دیتے ہوئے اپنے حمایتی ممبرز ووٹرز اور سپورٹرز کا تہہ دل سے شکریہ ادا کیا ہے دستور پینل کے صدارتی امیدوار ناصر محمود سمیت تمام امیدواروں نے اپنے تہینتی پیغام میں کہا ہے کہ افسوسناک امر یہ ہے کہ دستور پینل کے امیدواروں ووٹرز اور سپورٹرز کو خوف وہراس میں مبتلاء کیا گیا

انہیں بےروزگار کر کے معاشی قتل ، کراچی یونین آف جرنلسٹس دستور اور کراچی پریس کلب سے ممبر شپ کا خاتمہ اور کے پی سی میں داخلے پر پابندی جیسی سفاکانہ دھمکیاں دی گئیں اس کے باوجود وہ انتخابی میدان میں ڈٹے رہے اور مقابلہ کیا کے یو جے دستور کے انتخابی نتائج کے مطابق 1890 میں سے صرف 377 ووٹرز نے ووٹ کاسٹ کیا

دستور پینل کے صدارتی امیدوار ناصر محمود نے 67 نائب صدر طارق اسلم نے 67 انفارمیشن سیکرٹری سید سرمد عابد نے 55 ووٹ حاصل کئے دستور پینل کے ممبر ایگزیکٹو کونسل کے امیدواروں میں سے عبدالرحمن فاروقی نے 147 موسیٰ غنی نے 86 احسن گلزار جتوئی نے 77 جاوید صدیقی نے75 اور بلال خان جتوئی نے 72 ووٹ حاصل کئے جو کہ دستور پینل اور دستور گروپ کراچی یونین آف جرنلسٹس دستور کے لئیے اطمینان بخش اور حوصلہ افزا ہیں انہوں نے کہا کہ دستور پینل کے سیکرٹری کے امیدوار عادل خان ظفر نے بدترین دھوکہ دیا

جوائنٹ سیکرٹری کی نشست پر امیدوار کو الیکشن کمیٹی نے الیکشن لڑنے کا اہل قرار دے کر اس کا نام اہل امیدواروں کی حتمی فہرست میں شامل کیا بعدازاں دستبرداری والے دن انہیں نااہل قرار دے دیا جو کہ الیکشن کمیٹی کی نا اہلی کی بدترین مثال ہے دستور پینل کے بعض امیدوار معاشی قتل کرنے اور بے روزگار کرنے جیسی دھمکیوں کی باعث کاغذات نامزدگی واپس لینے پر مجبور ہو گئے دستور پینل کے امیدوار جاوید صدیقی الیکشن مہم کے دوران حادثے کی باعث زخمی ہو گئے جبکہ سید سرمد عابد کی اہلیہ پولنگ والے دن علی الصبح اچانگ شدید بیمار ہو گئیں جس کی باعث وہ پولنگ والے دن نہیں آ سکے

دستور گروپ کراچی یونین آف جرنلسٹس دستور کے چیئرمین عبدالجبار خان نے بھی نتائج کو حوصلہ افزا قرار دیتے ہوئے کہا ہے کہ دستور پینل کو غیر جماعتی قرار دیا جارہا ہے جس سے کراچی یونین آف جرنلسٹس دستور جماعتی اور غیر جماعتی دو حصوں میں تقسیم ہو رہی ہے جوکہ ہمارے اور صحافیوں کے لئیے خوش آئند ہے اس سے ہمارے مشن کی تکمیل میں مزید آسانی اور تیزی آئے گی انہوں نے کہا کہ دستور گروپ کا مشن یہ ہے کہ پاکستان فیڈرل یونین آف جرنلسٹس دستور، کراچی یونین آف جرنلسٹس دستور اور کراچی پریس کلب کو جماعتی لیبل سے آزاد کر کے غیر جماعتی کیا جائے

انہون نے پی ایف یو جے دستور ، کے یو جے دستور اور کے پی سی کے تمام ممبرز کو یقین دلایا کہ دستور گروپ ان اداروں پر کسی بھی سیاسی ، مذہبی یا غیر سیاسی تنظیم جماعت یا پارٹی کا لیبل نہیں لگنے دے گا اور ان اداروں کو خالصتاً صحافیوں کے ادارے بنائے گا جو ان کے مفادات کے تحفظ کا ضامن ہوں گے چیئرمین دستور گروپ ڈاکٹر عبدالجبار خان نے کہا کہ اس کا مطلب ہر گز یہ نہیں کہ ہم سیاسی ، مذہبی یا غیر سیاسی جماعتوں پارٹیوں کے اور تنظیموں کے مخالف ہیں

اللّٰہ تعالیٰ ہمارا حامی و ناصر ہو

عبدالجبار خان | چیئرمین دستور گروپ
کراچی یونین آف جرنلسٹس دستور
فاؤنڈر ممبر
پاکستان فیڈرل یونین آف جرنلسٹس دستور

ناصر محمود | صدارتی امیدوار
دستور پینل
ڈپٹی چیئرمین ۔ دستود گروپ
کراچی یونین آف جرنلسٹس دستور